മൂവാറ്റുപുഴഎം ഡി എം എ പിടികൂടിയ കേസിൽ രണ്ടുപേരെ കൂടി അറസ്റ്റ് ചെയ്തു.

. കഴിഞ്ഞ 21ന് മൂവാറ്റുപുഴ റാക്കാട് ഭാഗത്തുനിന്ന് 32 ഗ്രാം എംഡിഎംഎ യുമായി മിനിമോൾ, ബഷീർ എന്നിവരെ അറസ്റ്റ് ചെയ്തിരുന്നു. ഈ കേസിന്റെ ഭാഗമായാണ് ഇപ്പോൾ ഏഞ്ചൽ ഏലിയാസ്, ജെയ്‌സൺ ഫ്രാൻസിസ് എന്നിവരെ കൂടി അറസ്‌റ്റ് ചെയ്തത്. ഏഞ്ചൽ മയക്കുമരുന്ന്, കവർച്ച കേസുകൾ ഉൾപ്പെടെ നിരവധി കേസുകളിൽ പ്രതിയാണ്. പോക്സോ, കവർച്ച, അടിപിടി കേസുകളിലെ പ്രതിയാണ് ജെയ്സൺ. മൂവാറ്റുപുഴ ഡിവൈഎസ്പി കെ.ആർ.മനോജിന്റെ നേതൃത്വത്തിലുള്ള അന്വേഷണസംഘത്തിൽ ഇൻസ്പെക്ടർ എം.എസ്.ഫൈസൽ, എസ് ഐ മാരായ സുബിൻ ബാബു, ഷിബു മാത്യു, പോൾ മാത്യു, എ എസ് ഐ മാരായ കെ.എ.അനസ്, കെ എം.അനീഷ്, സി പി ഓ മാരായ ശ്രീജു രാജൻ, പി. എം.സിജാസ് എന്നിവരാണ് ഉണ്ടായിരുന്നത്.